जिला-रायगढ़,छत्तीसगढ़
विधा- गीत
विषय-राजकीय पक्षी
शीर्षक- मैना रानी
🔅 मैना रानी🔅
****************
घूम घूम गाये मैना चिरइया,
ले छत्तीसगढ़ के नाम ओ....
महानदी संग लहरा मारे,शिवरी पोरथ धाम ओ......
फुदके मैना डार डार मा,
बर आमा आउ केंदू चार मा।
महुआ बिन खायें देखो,
पीपर छाइहा तिपत घाम मा।।
छत्तीसगढ़ के राजा चिरइया,
हमर देश के शान ओ....
घूम घूम गाये मैना चिरइया,
ले छत्तीसगढ़ के नाम ओ....
वन वन भैसा संग मा घूमे,
चंदैनी गेंदा फूल अंग ला चूमे।
कर्मा ददरिया सुआ,
ढोलक मांदर लेके झूमे।
खाके सोहारी ठेठरी,
करे गुणगान ओ......
घूम घूम गाये मैना चिरइया
ले छत्तीसगढ़ के नाम ओ....
कहे मैना लानव बोकरा,
चढ़ाव देवी दादी डोकरा।
लुगरा पिंध के नाचे नोनी,
भवरा बाटी खेले छोकरा।।
धान कटोरा भरगे संगी,
पोगराये गऊ गोठान ओ....
घूम घूम गाये मैना चिरइया
ले छत्तीसगढ़ के नाम ओ....
मौलिक रचना
अजय पटनायक
No comments:
Post a Comment